Waqt ho chala hai

har baar khud se kiye kuch vaade tut jaate hai,

kabhi karte hai shikwe

kabhi yuhi bas nikal jate hai 

Har jeet ko peene ka maja 

har haar ko jeene ki saaza 

har dua kabool ho ye dua

 aur khawisho ka chota panna 

 jeb mein kuch khawishe mode huee 

kabhi bistar mein khud ko sikode huee 

aasmaan ki kisi kone ko kaha choda tha

 shayad khush tha.. jab sabkuch thoda tha 

 aasmaan ko samet lene ka falsafa

 suraj ko ghurne ka bebaak hosla 

paani ko bhi bade naakhono se nocha

  the pure anadi..par kiya wahi jo socha

Kuch dur shayad mujhse nikal gaya hai

kya kal bhi mera meri tarah badal gaya hai

taalo mein aaj mithi ki tarah yu jam gaya hai

muthi thi band fir bhi kal haatho se fisal gaya hai

Kuch shayad alag sa ho gaya hai

kuch mera mujhse kho gaya hai

shayad,

daat koi achi se khaye huee waqt ho chala hai

mitti mathe pe lagaye huee

sadako pe jor se chilaye huee  

geet apne mann ke gaye huee........

Apne asoo sabko bataye huee...

hatho se jhoom ke muskuraye huee 

Khud ki galat baatein manvaye huee 

or gaal pe tamacha koi paye huee.....waqt ho chala hai